［台文版］（下底有中文版）
針對高雄捷運（下面簡省做「高捷」）輕鐵列車內底「輕鐵」tsit个詞毋用台語tsit件代誌，本系做一个台灣語文專業ê學系，有阮ê社會責任，所以提出下面ê呼籲kah聲明。
一、根據《大眾運輸工具播音語言平等保障法》kah《國家語言發展法》，高捷應該愛照法律kā台語放送做hōo好tsiah著。
二、高雄市政府捷運工程局（下面簡省做「工程局」）回應講「light rail」是外來語，毋免刁工翻譯做台語。毋過外來語透過翻譯tsua̋nn變普及是真四常ê代誌，華語「輕軌」tsit个詞嘛是uì新詞來–ê，用台語放送根本to袂有誤解kah無利便ê問題。
三、台語表達「light rail」ê詞彙早就有–ah。譬論：台北淡海輕鐵放送就是用「輕鐵」（khin-thih）tsit个詞；公視台語台、台視台語新聞、華視台語新聞嘛有用「輕鐵」、「輕便鐵路」（khin-piān thih-lōo）等等ê稱呼。閣再講，車內to猶有別个語言ê放送–leh，工程局佇tsit个詞無beh採用台語ê理由並無成立。
四、台語自來就是台灣實質上ê共通語，因為錯誤ê語言政策造成台語緊猛teh流–去。咱國佇2018年有通過《國家語言發展法》，政府、公部門著愛實踐tsit部法律ê立法精神，踮逐層面hōo台語出聲，用新詞稱呼新ê事物尤其是要緊ê工課。
本系呼籲高捷愛趕緊將台語放送內底用華語播音ê「輕軌」tsit个詞改做台語「輕鐵」。交通主管機關嘛愛全面檢查、協助確保全國公共運輸攏有正確ê台語放送。
國立台灣師範大學台灣語文學系
［中文版］
針對高雄捷運（以下稱「高捷」）輕軌列車內「輕軌」一詞之播音不使用台語一事，本系基於台灣語文專業，為善盡社會責任，有以下呼籲及聲明。
一、根據《大眾運輸工具播音語言平等保障法》及《國家語言發展法》，高雄輕軌的播音應依法完善台語廣播。
二、高雄市政府捷運工程局（以下稱「工程局」）回應指「輕軌」為外來語，不需刻意翻譯成台語，但外來語透過翻譯而普及乃是常態，華語的「輕軌」一詞即為一例。認為台語播音會造成誤解和不便實屬多慮。
三、台語表達「輕軌」之詞彙早已存在，如：台北淡海輕軌播音使用「輕鐵」（khin-thih）一詞；公視台語台、台視台語新聞、華視台語新聞中也有「輕鐵」、「輕便鐵路」（khin-piān thih-lōo）等稱呼，且車內仍有其他語言的廣播，工程局不採用台語稱呼「輕軌」之理由並不成立。
四、台語過去長期為台灣實質上的共通語，但錯誤的語言政策造成台語快速流失。我國已於2018年通過《國家語言發展法》，政府、公部門應實踐該法之立法精神，於各層面實踐台語，使用新詞稱呼新事物尤為重要之一環。
本系呼籲高捷應立即將台語播音中以華語發音的「輕軌」一詞改為台語「輕鐵」。交通主管機關並應全面檢視、協助確保全國公共運輸有正確之台語播音。
國立台灣師範大學台灣語文學系